Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Brisei+s multum quamvis aversa iaceret,
  2. Aeacidae propior levis amicus erat.
  3. Parce tuis igitur dare mascula nomina rebus,
  4. Teque puta cunnos, uxor, habere duos.
  1. Orbus es et locuples et Bruto consule natus:
  2. Esse tibi veras credis amicitias?
  3. Sunt verae, sed quas iuvenis, quas pauper habebas.
  4. Qui novus est, mortem diligit ille tuam.