Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Tam dubia est lanugo tibi, tam mollis, ut illam
  2. Halitus et soles et levis aura terat.
  3. Celantur simili ventura Cydonea lana,
  4. Pollice virgineo quae spoliata nitent.
  5. Fortius inpressi quotiens tibi basia quinque,
  6. Barbatus labris, Dindyme, fio tuis.