Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Quando fabae nobis modium farrisve dedisti,
  2. Cum tua Niliacus rura colonus aret?
  3. Quando brevis gelidae missa est toga tempore brumae?
  4. Argenti venit quando selibra mihi?
  5. Nil aliud video, quo te credamus amicum,
  6. Quam quod me coram pedere, Crispe, soles.
  1. Dotatae uxori cor harundine fixit acuta,
  2. Sed dum ludit Aper: ludere novit Aper.