Saturae
Juvenal
Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.
- ut veniat? lacrimae siccentur protinus, et se
- excusaturos non sollicitemus amicos.
- da testem iudex cum dixerit, audeat ille
- nescio quis, pugnos qui vidit, dicere vidi,
- et credam dignum barba dignumque capillis
- maiorum, citius falsum producere testem
- contra paganum possis quam vera loquentem
- contra fortunam armati contraque pudorem.
- Praemia nunc alia atque alia emolumento note-mus
- sacramentorum. convallem ruris aviti
- improbus aut campum mihi si vicinus ademit
- et sacrum effodit medio de limite saxum,
- quod mea cum patulo coluit puis annua libo,
- debitor aut sumptos pergit non reddere nummos
- vana supervacui dicens chirographa ligni,
- expectandus erit qui lites inchoet annus
- totius populi, sed tunc quoque mille ferenda
- taedia, mille morae; totiens subsellia tantum
- sternuntur, iam facundo ponente lacernas
- Caedicio et Fusco iam micturiente parati