Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Ibi Scipio et, prolato e sinu togae libro, rationes in eo scriptas esse dixit omnis pecuniae omnisque praedae;

illatum, ut palam recitaretur et ad aerarium deferretur.

Sed enim id iam non faciam, inquit, nec me ipse afficiam contumelia,

eumque librum statim coram discidit suis manibus et concerpsit, aegre passus quod cui salus imperii ac reipublicae accepta ferri deberet rationem pecuniae praedatae posceretur.

Quid M. Varro in Logistorico [*](longi historia, ω.) scripserit de moderando victu puerorum inpubium.

PUEROS inpubes compertum est, si plurimo cibo nimioque somno uterentur, hebetiores fieri ad veterni usque aut eluci tarditatem, corporaque eorum inprocera fieri minusque adolescere.

Idem plerique alii medicorum philosophorumque et M. Varro in Logistorico [*](longa (h)istoria, ω.) scripsit, quae inscripta est Catus aut De Liberis Educandis.

Notati a censoribus qui audientibus iis dixerant ioca quaedam intempestiviter; ac de eius [*](ac de, s; accede, ω; atque de, Lion; ac quod de, suggested by Hosius; aeque de, Damsté.) quoque nota deliberatum qui steterat forte apud eos oscitabundus.