Epitome Rerum Romanorum

Florus, Lucius Annaeus

Florus, Lucius Annaeus. Lucius Annaeus Florus, Epitome of Roman history. Cornelius Nepos. Forster, E. S. (Edward Seymour), editor. Rolfe, John C., editor. London, New York: William Heinemann, G. P. Putnam's Sons, 1929 (printing).

Infesta primum siti regio, tum quibusdam salmacidae infestiores, [*]()novissime quae iam ab invalidis et avide hauriebantur [*]()noxiae etiam dulces fuere.

Mox et ardores per Armeniam et nives per Cappadociam et utriusque caeli subita mutatio pro pestilentia fuit.

Sic vix tertia parte de sedecim legionibus reliqua, cum argentum eius passim dolabris concideretur, et [*]()subinde inter moras mortem ab gladiatore suo flagitasset egregius imperator, tandem perfugit in Syriam, ubi incredibili quadam mentis vaecordia ferocior aliquanto factus est, quasi vicisset, quia evaserat.

FUROR Antonii quatenus per ambitum non poterat interire, luxu et libidine extinctus est. Quippe cum post Parthos exosus arma in otio ageret, captus amore Cleopatrae quasi bene gestis rebus in regio se sinu reficiebat.

Hinc mulier Aegyptia ab ebrio imperatore pretium libidinum Romanum imperium [*]() [*](minor: minora B. ) [*](salmacidae infestiores Halmius: salmacidae fluvius in B: salmacidis fluvius infestior M. ) [*](hauriebantur: hauriebat B: hauriebatur N L. ) [*](et om. B.) [*](pretium—imperium om. B. )

p.324

petit; et promisit Antonius, quasi facilior [*]()esset Partho Romanus.

Igitur coepit non sibi dominationem parare nec tacite, sed patriae, nominis, togae, fascium oblitus totus in monstrum illud ut mente, ita amictu [*]()quoque cultuque desciverat. Aureum in manu baculum, in latere acinaces, purpurea vestis ingentibus obstricta gemmis: diadema deerat, ut regina rex et ipse frueretur.

Ad primam novorum motuum famam Caesar a Brundisio traiecerat, ut venienti bello occurreret, positisque castris in Epiro omne litus Actiacum, Leucada [*]()insulam montemque Leucaten et Ambracii sinus cornua infesta classe succinxerat.