Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. tutela Rhodos est beata Solis,
  2. Gades Herculis umidumque Tibur;
  3. Cyllene celeri deo niuosa,
  4. tardo gratior aestuosa Lemnos;
  5. Hennaeae Cererem nurus frequentant,
  6. raptam Cyzicos ostreosa diuam,
  7. formosam uenerem Gnidos Paphosque;
  8. mortales tibi Lampsacum dicarunt.
  9. ---
  10. Quod sim iam senior meumque canis
  11. Cum barba caput albicet capillis:
  12. Deprensos ego perforare possum
  13. Tithonum Priamumque Nestoremque.
  1. Inmanem stomachum mihi cietis,
  2. qui densam facitis subinde saepem
  3. et fures prohibetis huc adire.
  4. hoc est laedere, dum iuuatis; hoc est
  5. non admittere ad aucupem uolucres.