Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. Dodone tibi, Iuppiter, sacrata est,
  2. Iunoni Samos et Mycena ditis,
  3. undae Taenaros aequorumque regi;
  4. Pallas Cecropias tuetur arces,
  5. Delphos Pythius, orbis umbilicum,
  6. Creten Delia Cynthiosque colles,
  7. Faunus Maenalon Arcadumque siluas;
  8. tutela Rhodos est beata Solis,
  9. Gades Herculis umidumque Tibur;
  10. Cyllene celeri deo niuosa,
  11. tardo gratior aestuosa Lemnos;
  12. Hennaeae Cererem nurus frequentant,
  13. raptam Cyzicos ostreosa diuam,
  14. formosam uenerem Gnidos Paphosque;
  15. mortales tibi Lampsacum dicarunt.
  16. ---
  17. Quod sim iam senior meumque canis
  18. Cum barba caput albicet capillis:
  19. Deprensos ego perforare possum
  20. Tithonum Priamumque Nestoremque.