Priapeia
Priaepia
Poeta Latini minores, ed. Aemilius Baehrens, Leipzig, Teubner, 1879
- num tandem prior es puella, quaeso,
- quod sunt, mentula quos habet, capilli?'
- O non candidior puella Mauro,
- sed morbosior omnibus cinaedis,
- Pygmaeo breuior gruem timenti,
- ursis asperior pilosiorque,
- Medis laxior Indicisue bracis,
- mandes huic licet, ut libet, te inire.
- nam quamuis uidear satis paratus,
- erucarum opus est decem maniplis,
- fossas inguinis ut teram dolemque
- cunni uermiculos scaturrientis.
- Quicumque uestrum, qui uenitis ad cenam,
- libare nullos sustinet mihi uersus,
- illius uxor aut amica riualem
- lasciuiendo languidum, precor, reddat,
- et ipse longa nocte dormiat solus
- libidinosis incitatus erucis.