Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. Obscure poteram tibi dicere: 'da mihi, quod tu
  2. des licet assidue, nil tamen inde perit.
  3. da mihi, quod cupies frustra dare forsitan olim,
  4. cum tenet obsessas inuida barba genas,
  5. quodque Ioui dederat, qui raptus ab alite sacra
  6. miscet amatori pocula grata suo,
  7. quod uirgo prima cupido dat nocte marito,
  8. dum timet alterius uulnus inepta loci.'
  9. simplicius multo est 'da pedicare' Latine
  10. dicere: quid faciam? crassa Minerua mea est.