Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. seque miser ne posse putet. perstrinxerat horror
  2. ipsum etiam et maesta stabat defixus in ira.
  3. non ita Tyrrhenus stupet Ioniusque magister,[*](ioniusque magister C, M 2 in marg., ionius magis V (magist&r V 2))
  4. qui iam te, Tiberine, tuens[*](qui iam te, Tiberine, tuens Heinsius, Qui iam te liberi netues V, Qui portus, Tiberine, tuos C ) clarumque serena
  5. arce pharon, praeceps[*](praeceps i. e. praeceps datus, scil. tempestate, cf. Aen. II 516 | subitonus quam V, subit bonus quam M, cod. Burmanni, submit nusquam C ) subito nusquam ostia, nusquam
  6. Ausoniam videt[*](videt Bon. 1, uides V ) et saevas accedere Syrtes.
  7. tum tamen, infando quae det responsa tyranno,
  8. colligit et tandem obtutu consurgit ab alto.
  9. 'non' ait 'hos reditus, non hanc, Aeeta, dedisti
  10. spem Minyis, cum prima tuis pro moenibus arma
  11. induimus. quo versa fides? quos vestra volutant[*](quos uestra uolutant M, quo uesta uolunta V (erasa vid. t))
  12. iussa dolos? alium hic Pelian, alia aequora cerno.
  13. quin agite[*](agite et M 2 ut vid., agite et V ) hoc omnes odiisque urgete tyranni
  14. imperiisque caput; numquam[*](numquam Columbus, quamquam V ) mihi dextera nec spes
  15. defuerit; mos iussa pati nec cedere duris.
  16. unum oro, seu me illa suis seges obruet hastis,
  17. hauriet adverso seu crastinus ignis hiatu,
  18. nuntius hinc saevas Peliae mittatur ad aures,
  19. hic periisse viros, et me, si vestra fuisset
  20. ulla fides, reducem patriae potuisse referri'.