Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. aut cui fata Tyres. dum sibila respicit Iron
  2. cuspidis[*](Cupidis V ) Argivae, Pyliam latere accipit hastam.
  3. Viderat Hyrcanos paribus discurrere fratres
  4. Castor equis, pater armento quos dives ab omni
  5. nutrierat fatisque[*](fatisque M 2, fratris que V | monstrarat M, monstrat V, ) viam molnstrarat iniquis.
  6. tum magis atque magis peditem candore notato
  7. Tyndariden incendit amor, simul obvius hastam[*](hastam Bon. 1, hasta V )
  8. pectus in adversum ... iacit[*](gleacit V, grauiter iacit C, Gelae iacit codex regius, T 1, desideratur nomnen propr. ) alipedemque
  9. † constitit[*](constitit (corripit Wagner) Vix mutandum (cf. VIII 133); deesse vid. us. eius sententiae corripit et iam barbarico sublimis in ostro constitit) excusso victor duce; risit ab alta
  10. nube pater prensisque equitem cognovit habenis.
  11. at pariter luctuque furens visuque Medores
  12. Tyndariden petit et superos sic voce precatur:
  13. 'hunc age vel caeso comitem me reddite fratri,
  14. primus et hic nostra sonipes cadat[*](cadat MT, cadet V ) impius hasta,
  15. credita qui misero non rettulit arma parenti
  16. meque venit contra captivaque terga ministrat.'
  17. dixerat; Actaei sed eum prior hasta Phaleri[*](Phaleri C, parenti V )
  18. deicit; ad socias sonipes citus effigit alas.
  19. Quis tibi fatales umquam metuisset Amyclas
  20. Oebaliamque manum, tot, Rhyndace, montibus inter