Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. illis omnis adhuc veterum tenor et sacer aeris
  2. pulsus et eoae memoratrix tibia pugnae.
  3. iungit opes Emoda[*](Emoda Bon. 2, emeda V, Eumeda C ) suas; sua signa secuti
  4. Exomatae Torynique et flavi crine Satarchae:
  5. mellis honor Torynis, ditant sua mulctra Satarchen,
  6. Exomatas venatus alit, nec clarior ullis
  7. arctos equis; abeunt Hypanin fragilemque per undamn
  8. tigridis aut saevae profugi cum prole leaenae,
  9. maestaque suspectae mater stupet aggere ripae.
  10. impulit et dubios Phrixei velleris ardor
  11. Centoras et diros magico terrore Choatras.
  12. omnibus in superos saevus sonor,[*](sonor Sudhaus, cf. VII 389, onor V, honor M, vulgo | omnibus etiam V exhibet | artes M 2, artus V ) omnibus artes
  13. monstrificae: nunc vere novo compescere frondes,
  14. nunc subitam trepidis Maeotin solvere plaustris.
  15. maximus hos inter Stygia venit arte Coastes;
  16. sollicitat nec Martis amor, sed fama Cytaeae
  17. virginis et paribus spirans Medea venenis.[*](uenenis V 2, ueniens V 1 (i nunc erasa))
  18. gaudet Averna palus, gaudet iam nocte quieta
  19. portitor et tuto[*](tuto Gronovius, toto V ) veniens Latonia caelo.
  20. ibant et geminis aequantes cornibus alas