Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. 'haud temere est: fato divum reor ad mea vectos
  2. litora vos, odium quibus atque eadem ira[*](eadem ira C, Sabellicus, adea mira V ) furentis
  3. Bebryciae saevaque pares de gente triumphi.
  4. certa fides animis, idem quibus incidit hostis.[*](habet Par.)
  5. nos quoque, nos Amycum, tanto procul orbe remoti,
  6. sensimus et saevis frater mihi fusus harenis.
  7. ultor ego, atque illuc cunctis accensus in armis
  8. tunc aderam, cum vos mediis contenta ferebant
  9. vela fretis. ilium in sanie taboque recenti
  10. vidimus aequoreo similem per litora monstro.
  11. nec vero praecepta[*](praecepta etiam V exhibet, praerepta Bon. 1, vulgo ) mihi suprema tyranni
  12. fata queror bellove magis laetarer et armis
  13. procubuisse meis, quam lege quod occidit ultus[*](ultus M 2 C, uultus V )
  14. ipse sua meritoque madent quod sanguine[*](sanguine M, g..guine V (duarum litt. spatio relicto)) caestus.'
  15. excipit Aesonides 'tuus ergo in montibus ignis
  16. ille? tuas acies medio de gurgite vidi?'
  17. fatur, et ostentans prolem Iovis 'hic tibi Pollux
  18. en' ait, 'inviso solvit cui[*](invito Schenkl | cui Iunt. 1, qui V ) pectore poenas.'
  19. ille virum circa mirantia Iumina volvit.
  20. festa dehinc mediis ineunt convivia tectis