Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. quam tulerit deus, arripe opem.[*](opem exihib. Par. ) iamque ultima nobis
  2. promere fata nefas; sileam,[*](sileam Loehbach, sileo V, sileo et C ) precor.' atque ita facto
  3. fine dedit tacitis iterum responsa tenebris.
  4. Tum subita resides socios formidine Iason
  5. praecipitat rumpitque moras tempusque timendi.
  6. ipse viros gradiens ad primi litoris undam
  7. prosequitur Phincus. 'quaenam tibi praemia' dixit,
  8. 'quas, decus o Boreae, possem[*](possim Heinsius ) persolvere grates?
  9. me Pangaea super rursus iuga meque paterna
  10. stare Tyro dulcesque iterum mihi surgere soles
  11. nunc reor. exactae (verumne?[*](uerumne V, nam uere C; distinxit O. Seyffert )) abiere volucres,
  12. nec metuam, tutaeque dapes? date tangere vultus,
  13. dem sinite[*](dem sinite Heinsius, Desinite V ) amplexus, propiusque accedite dextrae.'
  14. dixerat. abscedunt terris et litora condunt.
  15. Omnibus extemplo saeva sub imagine rupes
  16. Cyaneae propiorque[*](propiorque M 2, propior V ) labor. quando adfore quaque
  17. parte putent? stant ora metu nec fessa recedunt
  18. Iumina diversas circum servantibus undas,
  19. cum procul auditi[*](auditi Maserius, auditis V, auditur C, auditus M T, cod. Bon. ) sonitus insanaque saxa,
  20. saxa neque illa viris sed praecipitata profundo