Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ante Iovem stetit et supplex sic fatur Apollo:
  2. 'in quem alium Alciden, in quae iam tempora differs
  3. Caucaseum, rex magne, senem? nullumne malorum
  4. finem adeo poenaeque dabis? te cuncta precatur[*](precantur C )
  5. gens hominum atque ipsi iam te, pater optime,[*](optime X 2 MT, om. V ) montes
  6. fessaque cum silvis orant iuga. sat tibi furtum
  7. ignis et aetheriae defensa silentia mensae.'
  8. dixit ubi,[*](Exit ubi C ) e scopulis media inter pabula diri
  9. vulturis ipse etiam gemitu maestaque fatigat
  10. voce Iovem saevis relevans ambusta pruinis
  11. lumina; congeminant amnes rupesque fragorem
  12. Caucaseae; stupet ipse dei clamoribus ales.
  13. tunc etiam superas Acheronte auditus[*](superas Bon. 1, super V | auditur C ) ad arces
  14. Iapetus; gravis orantem procul arcet Erinys
  15. respiciens celsi legem Iovis. ille dearum
  16. fletibus et magno Phoebi commotus honore
  17. velocem roseis demittit nubibus Irim.
  18. 'i, Phrygas Alcides et Troiae differat arma;
  19. nunc' ait 'eripiat dirae Titana volucri.'
  20. diva volat defertque[*](defertque M 2, differtque V ) viro celeranda parentis