Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. (siqua fides curae superum) tantum aequor adorti
  2. tendimus: ipsa mihi puppem Iovis optima proles
  3. instituit, dedit et socios Saturnia reges.
  4. fidere mens sed nostra nequit, quantumque propinquat
  5. Phasis et ille operum summus labor, hoc magis angunt
  6. proxima, nec vates sat iam mihi Mopsus et Idmon.'
  7. ille ducem nec ferre preces nee dicere passus
  8. amplius hic demum vittas laurumque capessit[*](capescit V )
  9. numina nota ciens.[*](ciens M, ciens V (prior non abso- luta, sed incohata magis est)) stupet Aesonis inclita proles
  10. Phinea ceu[*](ceu Pius, ce V ) numquam poenis nullaque gravatum
  11. peste Iovis: tam largus honos, tam mira[*](tam CT, iam V | tam mira C, tamira V ) senectae
  12. maiestas infusa; vigor novus auxerat artus.
  13. tum canit: 'o terras fama venture[*](venture Bon. 1, uentura V ) per omnes,
  14. quem sociis ducibusque deis atque arte benigna
  15. Pallados ipse ultro Pelias ad sidera tollit
  16. demens, dum profugi non sperat vellera Phrixi,
  17. fata locosque tibi, possum quas reddere grates,
  18. expediam rerumque vias finemque docebo.
    19. p.100
  19. ipse etiam, qui me prohibet sua pandere terris
  20. saecula, te propter fandi mihi Iuppiter auctor.