Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. iam propior iamque hoc animam solamine[*](solamine M 2, solamina V ) mulcens.
  2. non ego nunc, magno quod cretus Agenore Phineus,
  3. aut memorem, mea quod vates insedit Apollo
  4. pectora; praesentis potius miserescite fati.
  5. nec mihi diversis erratum casibus orbem
  6. amissas aut flere domos aut dulcia tempus
  7. lumina; consuetis serum[*](serum Gronovius, rerum V ) est ex ordine fatis
  8. ingemere. Harpyiae semper mea pabula servant,
  9. fallere quas nusquam[*](nunquam C ) misero locus: ilicet omnes
  10. deveniunt niger intorto ceu turbine nimbus,[*](intorto V, in toto C | nimbus Bon. 1, nimbo VC )
  11. iamque alis procul et sonitu mihi nota Celaeno;
  12. diripiunt verruntque dapes foedataque turbant
  13. pocula, saevit odor surgitque miserrima pugna,
  14. parque mihi monstrisque fames. sprevere quod omnes
  15. pollueruntque manu quodque unguibus excidit atris[*](manus C | atris codd. Pii, cod. Harlesii, auris V, uncis M 2 )
  16. has mihi fert in luce moras. nec rumpere fata
  17. morte licet; trahitur victu crudelis egestas.
  18. sed vos o[*](o servate Heinsius, obseruate V ) servate precor, praedicta deorum
  19. si non falsa mihi, vos finem imponite poenis.
  20. nempe adsunt, qui monstra fugent, Aquilonia proles