Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ipse etiam expleri victor nequit oraque longo
  2. comminus optutu mirans tenet. at manus omnis
  3. heroum densis certatim amplexibus urgent,
  4. armaque ferre iuvat fessasque[*](fessasque M, fessaque V ) attollere palmas.
  5. 'salve vera Iovis, vera o Iovis' undique 'proles'
  6. ingeminant, 'o magnanimis memoranda palaestris
  7. Taygeta et primi felix labor ille magistri.'
  8. dumque ea dicta ferunt, tenues tamen ire cruores
  9. siderea de fronte vident; nec sanguine Pollux
  10. territus averso siccabat vulnera caestu.
  11. illius excelsum ramis caput armaque Castor
  12. implicat et viridi conectit tempora lauro
  13. respiciensque ratem 'patriis' ait 'has precor oris,
  14. diva, refer frondes cumque hac freta[*](refer Bon. 1, refers V | freta M, feta V ) curre corona.'
  15. dixerat. hinc valida caedunt armenta bipenni
  16. perfusique[*](Perfusique CT 1, Profusique V ) sacro placati gurgitis amne
  17. graminea sternuntur humo; tunc liba dapesque
  18. frondibus[*](Frondibus M, Frontibus V ) adcumulant; exsortia terga Laconi
  19. praecipiunt pecudum. toto mox tempore mensae
  20. laetus ovat nunc laude virum nunc vatis honoro