Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- in pectus[*](In pectus M 2, Inspectus V ) cecidere manus. hoc saevior ille
- ecce iterum vacuas agit inconsulta per auras
- bracchia. sentit enim[*](enim V, eum Ald., ubi Thilo ) Pollux rationis egentem...
- dat genibus iunctis latus effusumque secutus[*](iure Sud- haus offenditur asyndeto; me iudice talis vs. excidit Bebryca et insanos ludens vigil arte furores)
- baud revocare gradum patitur, turbatque premitque
- ancipitem crebros et liber congerit ictus
- desuper averso; sonat omni[*](omnis CT ) vulnere vertex
- inclinis ceditque malis.[*](ceditque malis MC, ceciditque malis V ) iam tempora manant
- sanguineaeque[*](Sanguineaeque M, Sanguinaeque V ) latent aures, vitalia done
- vincula, qua primo cervix committitur artu,
- solvit dextra gravis. labentem propulit heros
- ac super insistens 'Pollux ego missus Amyclis
- et love natus' ait; 'nomen mirantibus umbris
- hoc referes: sic et memori noscere sepulchro.'
- Bebrycas extemplo spargit fuga; nullus adempti
- regis amor; montem celeres silvamque capessunt.
- haec sors, haec Amycum tandem manus arcuit[*](hic desinit S | arcuit Gronovius, arguit V ) ausis
- effera servantem Ponti loca vimque iuventae
- continuam et magni sperantem tempora patris.
- tenditur ille ingens hominum pavor arvaque late