Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. fluminaque et vacuis auditae montibus aurae.
    2. p.82
  2. Ecce puer summa se tollere visus ab unda
  3. frondibus in croceis et iniquae munere Nymphae
  4. stansque super carum talis caput edere voces:
  5. 'quid, pater, in vanos absumis[*](absumis M 2, adsumis V ) tempora questus?
  6. hoc nemus ac[*](ac Sudhaus, haec VC ) fatis mihi iam domus improba quo me
  7. Nympha rapit saevae monitu lunonis, in amnes.[*](in amnes V, inanes X 2 C, intellego hoc nemus ac quo me Nympha rapit, sc. amnes, domus sunt )
  8. nunc Iovis accessus et iam mihi limina[*](limina cod. Coki, lumina V, numina Baehrens ) caeli
  9. conciliat iungitque toros[*](toros Burmann, om. V, suos C ) et fontis honores.
  10. o dolor, o dulces quas gessimus ante pharetrae.[*](pharetrae M 2 C, pharetram V, pharetras S )
  11. iam socii laetis rapuerunt vincula ventis,
  12. hortator postquam furiis et voce nefanda
  13. impulit Oenides. verum cum gente domoque
  14. ista luet saevaeque aderunt tua numina matri.
  15. surge age et in duris haut umquam defice; caelo
  16. mox aderis teque astra ferent; tu semper amoris
  17. sis memor et cari comitis ne abscedat imago.'
  18. talibus orantem dictis visuque fruentem[*](fruentem X, fruente fruitur V )
  19. ille ultro petit et vacuis amplexibus instat
  20. languentisque movet frustra conamina dextrae: