Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ulla colunt placidas aut iura tenentia mentes.
  2. quales Aetnaeis rabidi[*](rapidi XC ) Cyclopes in antris
  3. nocte[*](Nocte SM, Noctis V ) sub hiberna servant freta, sicubi saevis
  4. advectet ratis acta notis tibi pabula dira
  5. et miseras, Polypheme, dapes: sic undique in omnes
  6. prospiciunt cursantque[*]( : cursant V ( deleta videtur)) vias, qui corpora regi
  7. capta trahant. ea Neptuno trux ipse parenti
  8. sacrifici pro rupe iugi media aequora supra
  9. torquet agens. sin[*](sin C, in V ) forma viris praestantior adsit,
  10. tum legere arma iubet sumptisque occurrere contra
  11. caestibus; haec miseri[*](miseris Burmann ) sors est aequissima leti.
  12. huc ubi devectam Neptunus gurgite puppem
  13. sensit et extremum nati prospexit in oras
    14. p.85
  14. et quondam laetos domini certamine campos,[*](campis SM 2, campus V )
  15. ingemit ac tales evolvit pectore questus:
  16. 'infelix imas quondam mihi rapta sub undas
  17. nec potius magno Melie tum mixta Tonanti,
  18. usque adeone meam quacumque ab origine prolem
  19. tristia fata manent? sic te olim pergere sensi,
  20. Iuppiter, iniustae quando mihi virginis armis