Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. vociferans: 'primam bane nati, pater, accipe pugnam
  2. vosque, viri, optatos huc adfore credite Colchos.'
  3. Bistonas in medios ceu Martius exilit astris
  4. currus, ubi ingentes animae clamorque tubaeque
  5. sanguineae[*](Sanguinae V ) iuvere deum, non segnius ille
  6. occupat arva furens; sequitur vis omnis Achivum.
  7. adglomerant latera, et densis thoracibus horrens
  8. stat manus, aegisono quam nec fera pectore[*](pectore Bon. 2, pectora V ) virgo
  9. dispulerit nec dextra Iovis Terrorque Pavorque,
  10. Martis equi. sic contextis umbonibus urgent,
  11. caeruleo veluti cum Iuppiter agmine nubem
  12. constituit: certant zephyri frustraque rigentem[*](rigentem SM, rientem V )
  13. pulsat utrimque notus; pendent mortalia longo
  14. corda metu,[*](metu SM 2, metus V ) quibus illa fretis, quibus incidat arvis.
  15. Hine manus infelix clamore[*](manus M 2, munus V | clamore SM, clamor V ) impellere magno
  16. saxa facesque[*](facesque XM, pacesque V, picesque OQ ) atras et tortae pondera fundae;
  17. fert sonitus immota phalanx irasque retentant,
  18. congeries dum prima fluat. stellantia[*](stellantia M 2, stillancia V ) Mopsus
  19. tegmina et ingentem Corythi notat Eurytus umbram.[*](umbram M 2, umbra nunc legitur in V (m fort. plicatura abdita))
  20. restitit ille gradu seseque a lumine ferri