Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- dextera, demittitque[*](demittitque X olim, T, dimittitque VC ) oculos, solataque puppis
- turbine flectit iter portuque refertur amico.
- Ut notis adlapsa vadis, dant aethere longa[*](longa Ald., longo V )
- signa tubae, vox et mediis emissa tenebris:
- 'hostis habet portus, soliti rediere Pelasgi.'
- rupta quies; deus ancipitem lymphaverat urbem
- Mygdoniae Pan iussa[*](Mydoniae V | pan iussa M 2, panius ista V ) ferens saevissima matris,
- Pan nemorum bellique potens, quem lucis ab horis[*](bellique M 2, belli V | ab oris cod. Pii, ad oris V, ad oras M 2 T, codd. Burmanni et Coki, ad ortus C )
- antra tenent; patet ad[*](ad patet cf. Leo, Gött. Gel. Anz. 1897 p. 964 sq. ) medias per devia noctes
- saetigerum latus et torvae coma sibila[*](sibila XO 1 M, sibilia VO ) frontis.
- vox omnes super una tubas, qua conus et enses,
- qua trepidis auriga rotis nocturnaque muris
- claustra cadunt; talesque metus non Martia cassis
- Eumenidumque comae, non tristis ab aethere Gorgo
- sparserit aut tantis aciem raptaverit umbris.[*](umbris: cf. Aen. X 593 )
- ludus et ille deo, pavidum praesepibus aufert
- cum pecus et profugi sternunt dumeta iuvenci.
- Ilicet ad regem clamor ruit. exilit altis[*](altis SM, ab altis V )
- somnia dira toris simulacraque pallida linquens[*](linquens SM, liquens V )
- Cyzicus. ecce super foribus Bellona reclusis
p.57