Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. nosse animos rerumque vias. cur talia passus
  2. arma, quid hospitiis iunctas concurrere dextras
  3. Iuppiter? unde tubae nocturnaque movit Erinys?
    4. p.56
  4. Dindyma[*](Dindama V ) sanguineis famulum bacchata lacertis
  5. dum volucri quatit asper equo silvasque fatigat
  6. Cyzicus, ingenti praedae deceptus amore
  7. adsuetum Phrygias dominam vectare per urbes
  8. oppressit[*](Oppressit M 2, Oppressus V ) iaculo redeuntem ad frena leonem.
  9. et nunc ille iubas captivaque postibus ora
  10. imposuit, spolium infelix divaeque pudendum.
  11. quae postquam Haemoniam tantae non immemor irae
  12. aerisono de monte ratem praefixaque regum
  13. scuta videt, nova monstra viro, nova funera volvit,
  14. ut socias in nocte manus utque impia bella
  15. conserat et saevis erroribus implicet urbem.
  16. Nox erat et leni canebant aequora sulco,
  17. et iam prona leves spargebant sidera somnos.
  18. aura vehit; religant tonsas veloque Procnesson[*](religant T, religat V | ueloq. procnesson V, uelo proconesson C )
  19. et te iam[*](Et te iam M 1 ut vid., T, cod. Bon., Ecce iam V, Et Caeam C ) medio flaventem, Rhundace, ponto
  20. spumosumque legunt fracta Scylaceon ab[*](scylaceon ab V, scyllaceon (ab om.) C ) unda.