Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. nec pharetram aut acres ultra Tirynthius arcus
  2. exercet, socia sed disicit[*](dissicit CT, dissic iet X, disicet OMU, dificit NF ) agmina clava.
  3. ac veluti magna iuvenum cum densa securi
  4. silva labat cuneisque[*](leuat O | cuneisque M 2, cunctisque SM, doneisque N ) gemit grave robur adactis
  5. iamque abies piceaeque ruunt, sic dura sub ictu
  6. ossa virum malaeque sonant[*](male sonant O ) sparsusque cerebro
  7. albet ager. levis ante pedes subsederat †Hidmon;
  8. occupat os barbamque viri clavamque[*](clariamque C ) superne
  9. intonat 'occumbes'[*](occumbes T Bon. 1, occumbens SMNC | et SMN, i C ) et 'nunc' ait 'Herculis armis,
  10. donum ingens semperque tuis mirabile fatum.'[*](superque O | fatum Kr., fatis codd. )
  11. horruit ille cadens nomenque agnovit amicum
  12. primus et ignaris dirum scelus attulit umbris.
  13. nee tibi Thessalicos tune profuit, Ornyte, reges
  14. hospitiis aut mente moras fovisse[*](nec mente O | moras fouisse X 2 MN, fouisse moras S (post moras octo litt. spatio relicto)) benigna
  15. et laribus[*](laribus M 2 N, claribus SM 1 U ) sacrasse diem; procul advenit Idmon
  16. oblatumque ferit, galeam cristasque rubentes,
  17. heu tua[*](Heu tria C (?)) dona, gerens. quem te qualemque videbit
  18. attonitus, Crenaee, parens. en frigidus orbes
  19. purpureos iam somnus obit, iam candor et anni
  20. deficiunt vitaque fugit decus omne soluta: