Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ipsa quies rerum mundique silentia terrent
  2. astraque et effusis stellatus crinibus aether.
  3. ac velut ignota captus regione viarum
  4. noctivagum qui carpit iter non aure quiescit,
  5. non oculis, noctisque metus niger auget utrimque[*](Non V, Au Par. | uetus Par. (metus correctum) | utrunque Par. )
  6. campus et occurrens[*](Corpus Par. | occurrit Par. ) umbris maioribus arbor,[*](habet Par.)
  7. haud aliter trepidare viri. sed pectora firmans
  8. Hagniades 'non hanc' inquit 'sine numine[*](numine X 1 corr., M. nomine V ) pinum
  9. derigimus,[*](Dirigimus OQ ) nec me tantum Tritonia cursus
    10. p.33
  10. erudiit; saepe ipsa manu dignata carinam est.
  11. an[*](an Balbus, At V ) non experti, subitus cum luce fugata
  12. horruit imbre dies? quantis, pro Iuppiter, austris
  13. restitimus, quanta quotiens et Palladis arte[*](arte X 2 M, arta V )
  14. incassum decimae cecidit tumor arduus undae.
  15. quin agite, o socii; micat immutabile caelum
  16. puraque nec gravido surrexit Cynthia cornu,
  17. nullus in ore[*](ore VC a, orbe C b ) rubor, certusque ad talia Titan
  18. integer in fluctus et in uno decidit auro.[*](auro Thomas Phaedrus (cf. Verg. Georg. I 458 sqq.), euro VC )
  19. adde, quod in[*]((ab in) et ) noctem venti veloque marique
  20. incumbunt magis et tacitis ratis[*](ratis V, uitis Par. ) ocior horis.[*](habet Par.)