Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. iactat[*](iactat Bon. 1, Iactet V ) opes. mediis famulae convivia tectis
  2. expediunt; Tyrio vibrat torus igneus ostro.
  3. stat[*](Stat M 2, Istat V ) maerens atavos reges regesque maritos
  4. Thressa manus, quaecumque faces timuisse iugales
  5. credita nec dominae sanctum tetigisse cubile.
  6. iam medium[*](medium Heinsius, medi V, media S ) Aesonides, iam se regina locavit,
  7. post alii proceres; sacris dum vincitur extis
  8. prima fames, circum pateris it Bacchus, et omnis
  9. aula silet; dapibus coeptis mox tempora fallunt
  10. noctis et in seras durant sermonibus umbras,
  11. praecipueque ducis[*](ducis M 2, dices V ) casus mirata requirit
  12. Hypsipyle, quae fata[*](quo fata Heinsius, fort. recte ) trahant, quae regis agat vis
  13. aut unde Haemoniae molem ratis: unius haeret
  14. adloquio et blandos paulatim colligit ignes
  15. iam non dura toris Veneri[*](Veneri vulgo, ueneris V ) nec iniqua reversae,
  16. et deus ipse moras[*](moras SM, mora si V ) spatiumque indulget amori.
    17. p.44
  17. Pliada lege poli nimboso moverat astro
  18. Iuppiter aeternum volvens opus, et simul undis
  19. cuncta ruunt, unoque dei[*](dei M, die V ) Pangaea sub ictu
  20. Gargaraque et maesti steterunt[*](maesti steterunt Pius, maestis et erant V ) formidine luci.