Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- nocte dieque Pavor fraudataque turbat Erinys.
- non similes iam ferre choros (semel orgia fallunt)
- audet, non patrios furtis accedere[*](patrios furtis V, patrios (patriis C b) bustis C | accedere Bon. 1, accendere VC ) saltus,
- et fuga diversas misero quaerenda per artes.
- visa ratis saevae[*](saeuae M 2, seua V ) defecta laboribus undae,
- quam Thetidi[*](thetidi M, tetih V ) longinqua dies Glaucoque repostam
- solibus et canis urebat[*](urebat Vdilu- cide ) luna pruinis.
- huc[*](Huc Bon. 1, Hunc V ) genitorem altae per opaca silentia noctis
- praecipitem silvis rapit et[*](rapit et Bon. 1, raptet V ) sic maesta profatur:
- 'quam, genitor, patriam, quantas modo linquis inanis[*](inanes nonnulli apud Pium, inani V )
- pube domos. pro dira lues, pro noctis acerbae
- exitium. talin possum te credere[*](possum X 2, possunt V | credere Bon. 2, reddere V ) puppi,
- care parens? possum tantis retinere periclis?
- solvimus heu serum Furiis[*](serum V, miserum C | Furiis Pius, furtis V; cf. praef. ) scelus. adnue votis,
- diva, soporiferas quae nunc trahis aequore bigas.
- non populos, non dite solum, non ulla parenti
- regna peto; patria liceat decedere terra.
- quando ego servato mediam genitore per urbem
- laeta ferar? quando hic lacrimas planctusque[*](planctusque X 2 M, plantusque V ) videbo?'
- dixerat. ille procul trunca fugit[*](fug it V 1 ut vid. ) anxius alno