Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. corpora, pars ut erant dapibus vinoque soporos,
  2. pars conferre manus etiam magnisque[*](magnisque T, magnosque V ) paratae
  3. cum facibus quosdam insomnes et cuncta tuentes:
  4. sed temptare fugam prohibetque capessere[*](capescere V b ) contra
  5. arma metus: adeo ingentes inimica videri
    6. p.39
  6. diva dabat, notaque sonat vox coniuge maior;[*](magior V a )
  7. tantum oculos pressere manu,[*](presere V a | manu Burmann, om. V, metu C ) velut agmina cernant
  8. Bumenidum ferrumve super Bellona coruscet.
  9. hoc soror, hoc coniunx, propiorque hoc nata parensque
  10. saeva[*](Seua M r, Seu V ) valet, prensosque toris mactatque trahitque
  11. femineum genus, immanes[*](Temineum V a | inmagines V b ) quos sternere Bessi
  12. nec Geticae potuere manus aut aequoris irae.
  13. it cruor[*](it Sabellicus, His VC | cruos V b ) in thalamis, et anhela in pectore fumant
  14. vulnera, seque toris misero luctamine trunci
  15. devolvunt. diras aliae ad fastigia taedas
  16. iniciunt adduntque domos. pars ignibus atris
  17. effugiunt propere,[*](properes et V | dira C ) sed dura in limine coniunx
  18. obsidet, et viso repetunt incendia[*](incentha Va) ferro.
  19. ast aliae Thressas labem causamque furorum[*](furorum M r, furorem V )
  20. diripiunt; mixti gemitus clamorque precantum[*](om. V a S | Diripicunt V b | precanum V b )