Achilleis

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. excipere immissos scutato [*]() umbone molares
  2. ardentesque errare [*]() casas peditemque volantes
  3. sistere quadriiugos. memini, rapidissimus ibat
  4. imbribus adsiduis pastus nivibusque solutis
  5. Sperchios vivasque trabes et saxa ferebat:
  6. cum me ille immissum, qua saevior impetus undae,
  7. stare iubet contra tumidosque repellere fluctus,
  8. quos vix ipse gradu totiens obstante tulisset.
  9. stabam equidem, sed me referebat concitus amnis
  10. et latae caligo fugae: ferus ille minari
  11. desuper incumbens verbisque urgere pudorem,
  12. nec nisi iussus abi: sic me sublimis agebat
  13. gloria, nec duri tanto sub teste labores.
  14. nam procul Oebalios in nubila condere discos
  15. et liquidam nodare palen et spargere caestus,
  16. ludus erat requiesque mihi; nec maior in istis
  17. sudor, Apollinco quam fila sonantia plectro
  18. cum quaterem priscosque virum mirarer honores.
  19. quin etiam sucos atque auxiliantia morbis
  20. gramina, quo nimius staret medicamine sanguis,