Achilleis

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. haec mihi prima Ceres, haec laeti munera Bacchi,
  2. sic dabat ille pater, mox ire per invia secum
  3. lustra gradu maiore trahens visisque docebat
  4. adridere feris nec fracta ruentibus undis
  5. saxa nec ad vastae trepidare silentia silvae.
  6. iam tunc arma manu, iam tunc cervice pharetrae,
    7. [*](his primos arma ostendisse lacertis Wilamowitz: his primum arma ostendisse lacertis P: armos (is) tendisse QKG: primum me arma ost. Schenkel.)[*](reptantibus P: restantibus ω: crescentibus edd.)
    v.2.p.590
  7. et ferri properatus amor durataque multo
  8. sole geluque cutis; tenero nec fluxa cubili
  9. membra, sed ingenti saxum commune magistro,
  10. vix mihi bissenos annorum torserat orbes
  11. vita rudis, volucres cum iam praevertere cervos
  12. et Lapithas cogebat equos praemissaque cursu
  13. tela sequi; saepe ipse gradu me praepete Chiron,
  14. dum velox aetas, campis admissus agebat
  15. omnibus, exhaustumque vago per gramina passu
  16. laudabat gaudens atque in sua terga levabat.
  17. saepe etiam primo fluvii torpore iubebat
  18. ire supra glaciemque levi non frangere planta.
  19. hoc puerile decus, quid nunc tibi proelia dicam
  20. silvarum et saevo vacuos iam murmure saltus?