Achilleis

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. dulcis adhuc visu: niveo natat ignis in ore
  2. purpureus fulvoque nitet coma gratior auro.
  3. necdum prima nova lanugine vertitur aetas,
  4. tranquillaeque faces oculis et plurima vultu
  5. mater inest: qualis Lycia venator Apollo
  6. cum redit et saevis permutat plectra pharetris.
  7. forte et laetus adest — o quantum gaudia formae
  8. adiciunt! — : fetam Pholoes sub rupe leaenam
  9. perculerat ferro vacuisque reliquerat antris
  10. ipsam, sed catulos adportat et incitat ungues.
  11. quos tamen, ut fido genetrix in limine visa est,
  12. abicit exceptamque avidis circumligat ulnis,
  13. iam gravis amplexu iamque aequus vertice matri.
    14. [*](Thessaliaeve nives ω: Pharsaliaeve nives P: thessaliae iuvenes E. )[*](tumideque Kohlmann: timideque P: tumidique ω. )
    v.2.p.522
  14. insequitur magno iam tunc conexus amore
  15. Patroclus tantisque extenditur aemulus actis,
  16. par studiis aevique modis, sed robore longe,
  17. et tamen aequali visurus Pergama fato.
  18. Protinus ille subit rapido quae proxima saltu
  19. flumina fumantesque genas crinemque novatur
  20. fontibus: Eurotae qualis vada Castor anhelo