Epistulae

" Servus est." Sed fortasse liber animo. "Servus est." Hoc illi nocebit? Ostende, quis non sit; alius libidini servit, alius avaritiae, alius ambitioni, omnes [*](omnes spei Macrobius, followed by some editors.) timori. Dabo consularem aniculae servientem, dabo ancillulae divitem, ostendam nobilissimos iuvenes mancipia pantomimorum! Nulla servitus turpior est quam voluntaria.

Quare non est quod fastidiosi isti [*](isti Schweighäuser; ipsi MSS.) te deterreant, quo minus servis tuis hilarem te praestes et non superbe superiorem; colant potius te quam timeant.