Octavia

Seneca, Lucius Annaeus

Pseudo-Seneca, creator; Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. ruit in pelagus
  2. rursumque salo pressa resurgit,
  3. pellit palmis cogente metu
  4. freta, set cedit fessa labori.
  5. mansit tacitis in pectoribus
  6. spreta tristi iam morte fides:
  7. multi dominae ferre auxilium
  8. pelago fractis viribus audent,
  9. bracchia quamvis lenta trahentem
  10. voce hortantur manibusque levant.
  11. quid tibi saevi
  12. fugisse maris profuit undas?
  13. ferro es nati moritura tui,
  14. cuius facinus vix posteritas,
  15. tarde semper saecula credent.