Hercules Oetaeus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. cur mea nondum capiunt volucres
  2. bracchia plumas? felix, felix,
  3. cum silva domus nostra feretur,
  4. patrioque sedens ales in agro
  5. referam qnerulo murmure casus
  6. volucremque Iolen fama loquetur.
  7. Vidi, vidi
  8. miseranda mei fata parentis,
  9. cum letifero stipite pulsus
  10. tota iacuit sparsus in aula:
  11. a si tumulum fata dedissent,
  12. quotiens, genitor, quaerendus eras?
  13. potuine tuam spectare necem,
  14. nondum teneras vestite genas
  15. necdum forti sanguine, Toxeu?
  16. quid vestra queror fata, parentes,
  17. quos in tutum mors aequa tulit?
  18. mea me lacrimas fortuna rogat.
  19. Iam iam dominae captiva colus
  20. fusosque legam, pro saeve decor