Hercules Oetaeus

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. pondere liber spiravit Atlans:
  2. ubi nunc vestrae, Iuppiter, arces?
  3. ubi promissi regia mundi?
  4. nempe Alcides mortalis obit,
  5. nempe sepultus. quotiens telis
  6. facibusque tuis ille pepercit,
  7. quotiens ignis spargendus erat!
  8. in me saltem iaculare facem
  9. Semelenque puta.
  10. iamne Elysias, o nate, domus,
  11. iam§ litus habes
  12. ad quod populos natura vocat?
  13. an post raptum Styx atra canem
  14. praeclusit iter teque in primo
  15. limine Ditis fata morantur?
  16. quis nunc umbras, nate, tumultus
  17. manesque tenet?
  18. fugit abducta navita cumba
  19. et Centauris Thessala motis
  20. ferit attonitos ungula manes