Medea

Seneca, Lucius Annaeus

Seneca, Lucius Annaeus, ca. 4 B.C.-65 A.D, creator; Peiper, Rudolf, 1834-1898, editor; Richter, Gustav, 1838-1904, editor

  1. Discedere a me, frater, ultrices deas
  2. manesque ad imos ire securas iube:
  3. mihi me relinque et utere hac, frater, manu
  4. quae strinxit ensem— victima manes tuos
  5. placamus ista. quid repens affert sonus?
  6. parentur arma meque in exitium petunt.
  7. excelsa nostrae tecta conscendam domus
  8. caede incohata, perge tu mecum comes.