Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Quaeso, bubulce, numquid huc venit lepus?
  2. Venit, sed abiit hac ad laevam; et dexteram
  3. Demonstrat nutu partem. Venator citus
  4. Non intellexit seque e conspectu abstulit.
  5. Tunc sic bubulcus: Ecquid est gratum tibi,
  6. Quod te celavi? Linguae prorsus non nego
  7. Habere atque agere maximas me gratias;
  8. Verum oculis ut priveris opto perfidis.