Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Quidam per agros devium carpens iter
  2. Ave exaudivit et moratus paululum,
  3. Adesse ut vidit neminem, cepit gradum.
  4. Iterum salutat idem ex occulto sonus.
  5. Voce hospitali confirmatus restitit,
  6. Ut quisquis esset par officium reciperet.
  7. Cum circumspectans errore haesisset diu
  8. Et perdidisset tempus aliquot milium,
  9. Ostendit sese corvus et supervolans
  10. Ave usque ingessit. Tum se lusum intellegens:
  11. At male tibi sit inquit ales pessime,
  12. Qui festinantis sic detinuisti pedes.