Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Asellus notum proximum tectum subit
  2. Et voce magna sese venisse indicat.
  3. Procurrunt pueri, pulchram aspiciunt virginem
  4. Et admirantur: deinde domino nuntiant.
  5. Inter sodales ille paucos accubans
  6. Amorem crebris avocabat poculis.
  7. Ubi nuntiatum est, recreatus gaudiis
  8. Hortante Baccho et Venere, dulces perficit
  9. Aequalitatis inter plausus nuptias.
  10. Quaerunt parentes per praeconem filiam;
  11. Novus maritus coniuge amissa dolet.
  12. Quid esset actum postquam populo innotuit,
  13. Omnes favorem comprobarunt caelitum.