Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Per aliquot annos quaedam dilectum virum
  2. Amisit et sarcophago corpus condidit;
  3. A quo revelli nullo cum posset modo
  4. Et in sepulcro lugens vitam degeret,
  5. Claram assecuta est famam castae virginis.
  6. Interea fanum qui compilarant Iovis,
  7. Cruci suffixi luerunt poenas numini.
  8. Horum reliquias ne quis posset tollere,
  9. Custodes dantur milites cadaverum
  10. Monumentum iuxta mulier quo se incluserat.
  11. Aliquando sitiens unus de custodibus
  12. Aquam rogavit media nocte ancillulam,
  13. Quae forte dominae tunc assistebat suae
  14. Dormitum eunti; namque lucubraverat
  15. Et usque in serum vigilias perduxerat.
  16. Paulum reclusis foribus miles prospicit
  17. Videtque et aegram et facie pulchra feminam.
  18. Corruptus animus ilico succenditur
  19. Et uritur impudentis sensim cupiditas.
  20. Sollers acumen mille causas invenit,