Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Si repperisset aliquis hanc prudentior,
  2. Divinis aures oblectasset cantibus.
  3. Sic saepe ingenia calamitate intercidunt.
  1. Per aliquot annos quaedam dilectum virum
  2. Amisit et sarcophago corpus condidit;
  3. A quo revelli nullo cum posset modo
  4. Et in sepulcro lugens vitam degeret,
  5. Claram assecuta est famam castae virginis.
  6. Interea fanum qui compilarant Iovis,
  7. Cruci suffixi luerunt poenas numini.
  8. Horum reliquias ne quis posset tollere,
  9. Custodes dantur milites cadaverum
  10. Monumentum iuxta mulier quo se incluserat.
  11. Aliquando sitiens unus de custodibus