Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. (Quem si occuparis, teneas; elapsum semel
  2. Non ipse possit Iuppiter reprehendere),
  3. Occasionem rerum significat brevem.
  4. Effectus impediret ne segnis mora,
  5. Finxere antiqui talem effigiem Temporis.
  1. Angusto in aditu taurus luctans cornibus
  2. Cum vix intrare posset ad praesepia,
  3. Monstrabat vitulus quo se pacto plecteret.
  4. Tace inquit ante hoc novi quam tu natus es.
  5. Qui doctiorem emendat sibi dici putet.