Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Cursu volucri, pendens in novacula,
  2. Calvus, comosa fronte, nudo corpore,
  3. (Quem si occuparis, teneas; elapsum semel
  4. Non ipse possit Iuppiter reprehendere),
  5. Occasionem rerum significat brevem.
  6. Effectus impediret ne segnis mora,
  7. Finxere antiqui talem effigiem Temporis.