Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Adhuc supersunt multa quae possim loqui,
  2. Et copiosa abundat rerum varietas;
  3. Sed temperatae suaves sunt argutiae,
  4. Immodicae offendunt. Quare, vir sanctissime,
  5. Particulo, chartis nomen victurum meis
  6. Latinis dum manebit pretium litteris,
  7. Si non ingenium, certe brevitatem approba,
  8. Quae commendari tanto debet iustius
  9. Quanto poetae sunt molesti validius.