Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Ita quod multorum fugit imprudentiam
  2. Unius hominis repperit sollertia.
  1. Cum victi mures mustelarum exercitu
  2. (Historia quorum et in tabernis pingitur)
  3. Fugerent et artos circum trepidarent cavos,
  4. Aegre recepti tamen evaserunt necem.
  5. Duces eorum, qui capitibus cornua
  6. Suis ligarant, ut conspicuum in proelio
  7. Haberent signum quod sequerentur milites,
  8. Haesere in portis suntque capti ab hostibus;
  9. Quos immolatos victor avidis dentibus
  10. Capacis alvi mersit tartareo specu.