Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Illius interesse, ne faciat moram.
- Homo perturbatus excitat Simonidem.
- Unum promorat vix pedem triclinio,
- Ruina camerae subito oppressit ceteros;
- Nec ulli iuvenes sunt reperti ad ianuam.
- Ut est vulgatus ordo narratae rei,
- Omnes scierunt numinum praesentiam
- Vati dedisse vitam mercedis loco.
- Adhuc supersunt multa quae possim loqui,
- Et copiosa abundat rerum varietas;
- Sed temperatae suaves sunt argutiae,
- Immodicae offendunt. Quare, vir sanctissime,
- Particulo, chartis nomen victurum meis
- Latinis dum manebit pretium litteris,
- Si non ingenium, certe brevitatem approba,