Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Abiecit neglegenter. Mus escam putans
  2. Assiluit et compressus occubuit neci.
  3. Alter similiter, deinde perit et tertius.
  4. Mox venit aliquot saeculis retorridus
  5. Qui saepe laqueos et muscipula effugerat;
  6. Proculque insidias cernens hostis callidi:
  7. Sic valeas inquit ut farina es quae iaces!
  1. Fame coacta vulpes alta in vinea
  2. Uvam appetebat summis saliens viribus;
  3. Quam tangere ut non potuit, discedens ait:
  4. Nondum matura est; nolo acerbam sumere.
  5. Qui facere quae non possunt verbis elevant,
  6. Ascribere hoc debebunt exemplum sibi.