Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Parce gaudere oportet et sensim queri,
- Totam aeque vitam miscet dolor et gaudium.
- Canes legatos olim misere ad Iovem
- Melioris vitae tempus oratum suae,
- Ut sese eriperet hominum contumeliis,
- Furfuribus sibi consparsum quod panem darent
- Fimoque turpi maximam explerent famem.
- Profecti sunt legati non celeri pede.